కరీంనగర్, సెప్టెంబర్ 03 (జాగో న్యూస్): సుస్మిత మాట్లాడిన మాటలకు మంత్రి కొండా సురేఖ గారిని బాధ్యులను చేయడం ఎంతవరకు సమంజసం? తప్పు ఎవరు చేశారో నిర్ధారించి వారిపై చర్యలు తీసుకోవాలి. కానీ తప్పు చేయని వ్యక్తిపై రాజకీయ బాధ్యత మోపి మంత్రి పదవి నుంచి తొలగించడం సరైన విధానం కాదు. కొండా సురేఖ గారి విషయంలో తీసుకున్న నిర్ణయానికి ప్రభుత్వం ప్రజలకు స్పష్టమైన వివరణ ఇవ్వాలి. ఆమె తీసుకునే న్యాయబద్ధమైన నిర్ణయాలకు మద్దతుగా నిలుస్తాం అని అన్నారు. క్రమశిక్షణ చర్యల్లో కులం, వర్గం, రాజకీయ పలుకుబడి ఆధారంగా ద్వంద్వ ప్రమాణాలు ఉండకూడదు. ఒక వర్గానికి ఒక న్యాయం, బీసీలకు మరో న్యాయం అన్న భావన కలిగితే అది ప్రభుత్వ విశ్వసనీయతకే నష్టం. బీసీ సంఘాలు, కుల సంఘాలు కూడా ఇలాంటి సందర్భాల్లో మౌనం వీడి బీసీల హక్కుల కోసం గట్టిగా ప్రశ్నించాలి అని కోరారు. కామారెడ్డి బీసీ డిక్లరేషన్లో ఇచ్చిన 42% రిజర్వేషన్ల హామీ ఏమైంది? బీసీలకు కేవలం పదవులు ఇచ్చామని చెప్పడం కాదు—నిర్ణయాధికారం, కీలక శాఖల్లో సముచిత ప్రాతినిధ్యం, రాజకీయ మరియు ఆర్థిక సాధికారత కల్పించాలి. ఇచ్చిన హామీల అమలుపై కాంగ్రెస్ ప్రభుత్వం స్పష్టమైన కార్యాచరణను ప్రజల ముందుంచాలి. బీసీలు ఎవరికీ ఓటు బ్యాంకు కాదు. బీసీలకు కావాల్సింది మాటలు కాదు — వాటా, హక్కు, అధికారం! హామీలు ఇచ్చి విస్మరిస్తే ప్రజాక్షేత్రంలో ప్రశ్నిస్తాం… ప్రజలే తగిన సమాధానం చెబుతారు అని అన్నారు..
